ТМД елдері арасында көші-қон мәселесі жетілдіріледі

ТМД елдері арасында көші-қон мәселесі жетілдіріледі. Саладағы жаңа жүйенің жаңалықтары биылдан қалмай енгізілмек. Бұл туралы Астанада басталған ТМД елдерінің көші-қон органдары басшылары Кеңесінің 15-отырысында белгілі болды.

 

Қазір бұл елдер бірі-біріне визасыз қатынай береді. Бұл елдер арасындағы байланыстың нығаюына септігін тигізеді, дейді мамандар. Дегенмен, соның салдарынан заңсыз еңбек көші-қоны артып барады.

 

Еңбек мигранттарын қатаң бақылау үшін елімізде былтырдан бастап оларға салық төлету жүйесі енгізілді. Визасыз келгендер екі айлық есептік көрсеткіш бойынша қаржы төлеп, жеке адамдарға жұмыс істеуіне болады.

 

Аслан Қаржаубаев, ҚР Еңбек және халықты әлеуметтік қорғау министрлігі Көші-қон комитеті төрағасының орынбасары:

Беларусь, Ресей , Қазақстан елдері арасында еңбек еткісі келген адам ешқандай рұқсатсыз жұмыс істей алады. Келісімшартқа отырады да сол мерзімнен бастап жұмыс істей бастайды.

 

Сәуле АЛДАМҰРАТҚЫЗЫ