Басты Жаңалықтар Шығыс Қазақстан облысында зағиптарға арналған кітапхана заманауи құрылғымен толықты

Шығыс Қазақстан облысында зағиптарға арналған кітапхана заманауи құрылғымен толықты

25.06.2014 08:30

Шығыс Қазақстан облысындағы зағиптарға арналған кітапхана заманауи құрылғымен толықты.

Бұдан былай, көз жанары семіп бара жатқан адамдар түрлі журнал мен кітаптарды әріптерді үлкейтетін әйнегі бар компьютердің көмегімен оқитын болады.

Бүгінде бұл кітапхананың 1 600-ден астам тұрақты оқырманы бар. Олардың тең жартысы - көзі нашар көретін кісілер.

Ресейден сатып алынған құрылғыны пайдалану өте оңай. Оның көмегімен, тек әріптерді үлкейтіп қана қоймай, оқуға ыңғайлы түсті де таңдап алуға болады.

Гүлмира Қайырғазықызы, зағиптар мен көзі нашар көретін азаматтарға арналған облыстық кітапхананың директоры:

Бұл құрылғы бұрыннан керек болып жүрген. Өйткені, оқырмандарымыз ұсақ әріппен басылған кітаптарды оқыған кезде қиналатын. Сондай кітаптарды оқуды жеңілдету үшін осындай құрылғыны алдық.

Берік КӨШЕРБАЕВ

Бөлісу