Басты Жаңалықтар Жемқорлық жасағандарға жаза күшейтіледі

Жемқорлық жасағандарға жаза күшейтіледі

05.06.2014 05:30

Өткен бір жарым жылдың ішінде үш жүзге жуық лауазым иелері жемқорлық жасағаны үшін қылмыстық жауапкершілікке тартылды. Тойымсыз шенеуніктердің кесірінен қазынаның 290 миллиард теңгесі қолды болған. Бұл туралы бүгін Орталық коммуникациялар қызметінде өткен баспасөз мәслихатында белгілі болды.

Брифингке келген Қаржы полициясы өкілінің айтуынша, жемқорлық фактілері туралы ақпарат бергендерге сыйақы тағайындау мәселесі биыл да өз күшінде қалады. Бүгінгі күнге дейін 229 адам 25 миллион теңге сыйақы алыпты.

2015 жылдан бастап жемқорларға қолданылатын жаза күшейтіледі. Себебі Парламенттің талқылауында жатқан Қылмыстық Кодекс келер жылдан кешікпей күшіне енеді.

Марат Ахметжанов, ҚР Экономикалық қылмысқа және сыбайлас жемқорлыққа қарсы күрес агенттігі төрағасының орынбасары:

Мәңгілік мемлекеттік қызметке бармау мәселесі осы жаңа кодексте қаралған. Түзетулерге сәйкес, жемқорлық жасағандар міндетті түрде қамалады не болмаса үлкен көлемде айыппұл төлейді және олардың заңсыз мүліктері міндетті түрде тәркіленетін болады.

Досымжан ЕРМҰРАТ

Бөлісу