Қызылордада аула клубтарының қатары артуда

Қызылордада  балаларға арналған аула клубтарының қатары артып келеді. Балалардың бос уақытын тиімді пайдалану, бойындағы қабілетін анықтап, шығармашылығын шыңдауға арналған аула клубтары қаланың барлық шағын мөлтек аудандарында ашылды.

 

Онда 3-14 жас аралығындағы балалар сурет, ән, би, қолөнер үйірмелеріне қатысады.

 

Бұл орталықтарда сондай-ақ, шахмат, дойбы, футбол секциялары жұмыс істейді. Қалада мұндай 6 клуб бар.

 

Жақын арада олардың қатары толыға түспек. Өйткені, осындай орталыққа келуге ниетті балалар көп.

 

Сабыржан Нұркенұлы, ата-ана:                                                                       

Балаларға пайдасы зор. Осындай клубтардың көп болғаны бізге жақсы.  

 

Гүлжан ҚАЛТАЙҚЫЗЫ