Өскеменде тұрғын үйден өрт шығып, бір адам қаза тапты - «Qazaqstan» Ұлттық телеарнасы

Өскеменде тұрғын үйден өрт шығып, бір адам қаза тапты

21.04.2014
Өскеменде тұрғын үйден өрт шығып, бір адам қаза тапты
Өскемендегі көп қабатты тұрғын үйлердің бірінде өрт  шығып, бір адам қаза тапты. Қайғылы оқиға Астана көшесінде орналасқан 5 қабатты үйде болған. Пәтер терезесінен шыққан түтінді сол маңайдан өтіп бара жатқан қала тұрғыны көріп, бірден 101-ге хабарласады.
 
Өрт сөндірушілер оқиға орнына 2 минутта жетіпті. Жалын өшірілген соң, пәтер ішінен үй иесінің мәйіті табылды. Көршілердің айтуынша, ол еш жерде жұмыс істемеген. Қазіргі уақытта өрттің шығу себептері анықталып жатыр.  
 
Марина Лискова, қалалық Төтенше жағдайлар басқармасының баспасөз хатшысы:
Тергеушілердің айтуынша, өрт төсекте жатып шылым шегуден шыққан Яғни, үйдің иесі қарапайым өрт қауіпсіздік ережелерін сақтамаған. Қала тұрғындарын абай болуға шақырамыз. Өз өмірлеріңізді қауіп-қатерге тікпеңіздер.  
 
Берік КӨШЕРБАЕВ

Хабарламаларға жазылу