Су ресурстары жөніндегі бағдарлама бекітіледі - «Qazaqstan» Ұлттық телеарнасы

Су ресурстары жөніндегі бағдарлама бекітіледі

19.04.2014
Су ресурстары жөніндегі бағдарлама бекітіледі
2040 жылға қарай елімізде су тапшылығы болуы мүмкін. Оның алдын алу үшін мамандар арнайы бағдарлама әзірледі. Құжат жақын арада Үкіметте бекітіледі. Бұл туралы Қоршаған орта және су ресурстары вице-министрі Ерлан Нысанбаев мәлімдеді.
 
Оның айтуынша, 2014-2040 жылдарға арналған су ресустарын басқару мемлекеттік бағдарламасын жүзеге асыру үшін 8 триллион теңгеден астам қаражат керек. Оның 5,5 триллион теңгесі республикалық және жергілікті бюджеттен бөлінеді.
 
Ал 3 триллионға жуығы бюджеттен тыс қаражат. Бағдарлама қоршаған орта және экономика салаларында суды үнемдеу, су ресурстарын тиімді басқару жүйесі бойынша жүзеге асады.
 
Ерлан Нысанбаев, ҚР Қоршаған орта және су ресурстары вице-министрі:
Бағдарлама аясында елімізде жылына 9 текше метр суды үнемдеуге қол жеткіземіз. Су тарифтерін өсірмей өзін-өзі ақтау шараларын іске асырамыз. Нәтижесінде үнемделетін болады. Тамшылатып суару -  бүгінгі күнге сай келетін үнемдеу технологиясы.
 
 
Сәуле АЛДАМҰРАТҚЫЗЫ

Хабарламаларға жазылу