Басты Жаңалықтар Алматыда ағаш отырғызу шарасы басталды

Алматыда ағаш отырғызу шарасы басталды

18.03.2014 05:30

Наурыз мерекесі қарсаңында Алматыда ағаш отырғызу шарасы басталды. Бүгін Президент саябағына қарсы Науаи көшесінің сол қапталына 50 шырша егілді.

Игі шара - «Ағаш отырғыз» республикалық қоғамдық ұйымының «Жасыл қала» атты экологиялық жобасы аясында ұйымдастырылып, оған бірнеше мекеме ұжымы мен студенттер қатысты.

Топ-топқа бөлініп, тоңы жібіген тастақты жерді әп-сәтте қазып, Тяньшань және канадалық қылқан жапырақтыларды рет-ретімен отырғызды. Жалпы, Алматыда биыл 30 мың ағаш егілмек. Оның 10 мыңы көктемде, қалғаны жыл бойына отырғызылады.

Дәурен Жолдасбаев, «Ағаш отырғыз» РҚҰ басқарушы директоры:

Өте бір қызық саябақ жасағымыз келеді. «Алма қала» деген жобамыз бар. Жоба бойынша қалада 2 мыңға жуық қала бойынша ағаш егеміз. Ағаштар әртүрлі, кейбір жеріне алма ағаштарын егу жоспарда бар.

Жазира ИСАЕВА

Бөлісу