Басты Жаңалықтар Жат ағымнан жұрт болып сақтанған жөн

Жат ағымнан жұрт болып сақтанған жөн

04.03.2014 08:30

«Діни экстремизмнің алдын алу - баршамыздың міндетіміз». Бүгін осы тақырыпты белгілі теолог мамандар Агротехникалық университеттің студенттерімен бірге талқылады.

Олар жастарды күле сөйлеп, күңірентіп кететін дүмшелердің арбауына түсіп, адасып қалмауға шақырды. Әсіресе, «Ата жолы», «Таблиғи жамағат», «Хизб-ут-Тахрир», «Иегова куәгерлері» дегенді естісеңіз, алыс жүргеніңіз абзал.

Бұлар - адамды тура жолдан тайдыратын діни ұйымдар. Сондай-ақ, көшеде кездесіп дінге үгіттеушілерден, діни бағыттағы жадынама, кітапша ұсынатындардан сақтанған жөн. Дін мамандары жастарға осыны ескертті.

Әлішер Изатуллин, студент:

Саентология, благодать сияқты көптеген адасқан секталар жайында дәріс оқылып жатыр. Осындай іс-шаралар көп өтсе деп ойлаймын. Өйткені, қазіргі кезде жастардың көбісі дінге бет бұрып келе жатқан кезде, олардың ақ, таза ниеттерін жаман мақсатта пайдаланып, өздерінің секталарына тартып алып кетіп жатыр.

Досымжан ЕРМҰРАТ

Бөлісу