Жаңалықтарды Telegram арнамыздан оқыңыз!Биыл Алматыдағы республикалық медициналық колледжінде «Дебат» клубының құрылғанына - 10 жыл. Осыған орай, оқу орнында салтанатты шара өтті. «Дебат тынысы» атты кітапша шығарылып, Алматыдағы ЖОО-ның пікірсайыс клуб өкілдері қатысқан түрлі тренингтер ұйымдастырылды. Мерейтой аясында «Қазақстан-2050: Мәңгілік ел жастары» атты дөңгелек үстел өткізіліп, белсенді жастар Елбасы Жолдауын ортаға салды. Жастар, әсіресе, салауатты өмір салты - Қазақастанның бәсекеге қабілеттілігінің кепілі; қазіргі қоғамдағы жастарды рухани құндылыққа тәрбиелеу; ел тұтастығы-ел бірлігінде деген тақырыптарға өз көзқарастарын білдірді.
Әбубәкір Сатаев, Қазақстан-Ресей медициналық университетінің студенті:
Менің ойымша, ел медицинасын көтеру үшін біздің ҚР Денсаулық сақтау министрлігіне жалпы қандай кадрлар жетіспейді? Білімді кадрлар. Әрбір студент бірінші курстан бастап ғылыми конференцияға қатысса екен, ізденсе екен. Және өзінің білімін тәжірибеде қолданса екен.
Жазира ИСАЕВА
