Ақмола облысында жүк пойызы рельстен шығып кетті - «Qazaqstan» Ұлттық телеарнасы

Ақмола облысында жүк пойызы рельстен шығып кетті

14.02.2014
Ақмола облысында жүк пойызы рельстен шығып кетті
Ақмола облысында төтенше оқиға орын алды.  64   вагон тіркелген жүк пойызы  Екібастұз  қаласынан  Ресейдің Зауралье  станциясына  бара жатады.
 
Ақмола облысы Бурабай ауданының аумағына келгенде   пойыздың бір вагоны темір жолдан шығып кеткен. Оған дөңгелектегі ақау себеп болған көрінеді.
 
Абырой болғанда, теміржолдың электр байланыс жүйесіне зақым келген жоқ. Зардап шеккен  адам да  анықталмады. Алайда, вагонның істен шығуынан «Павлодар-Пресногорьское» пойызы  жеті сағатқа,  «Астана-Петропавл-Қызылту»  пойызы  алты сағатқа тоқтатылды.
 
Бақытгүл Берік, Ақмола облысы ТЖД баспасөз қызметінің өкілі:
Төтенше жағдай салдарын жоюға бір қалпына келтіруші пойыз,  Көкшетау станциясының  70 қызметкері мен Бурабай ауданының төтенше жағдай қызметкерлері жұмылдырылды.
 
Ерболат ТӨЛЕГЕНҰЛЫ

 

 

Хабарламаларға жазылу