Басты Жаңалықтар Бірнеше облыста күн күрт суытты

Бірнеше облыста күн күрт суытты

31.01.2014 08:00

Сарыарқаның қызылшұнақ аязы басылмай тұр. Дәл қазір Елордада ауа температурасы минус 32 градусты көрсетіп тұр. Тек Астанада ғана емес, еліміздің бірнеше облысында алдағы күндері ауа райының тұрақсыздығы сақталады.

Жер-жерлерде қар, боран, қатты жел болуы мүмкін. «Қазгидромет» орталығының хабарлауынша, Қостанай, Қарағанды, Шығыс Қазақстан, Ақмола облыстарының кей жерлерінде бұрқасындатып, жел күшейеді.

Сондай-ақ, Алматы, Жамбыл, Оңтүстік Қазақстан, Қызылорда, Маңғыстау облыстарында күн күрт суытады. Ақтөбе, Солтүстік Қазақстан, Атырау, Маңғыстау облыстарының кей жерлерінде де аяз күшейеді.

Төтенше жағдайлар қызметкерлері жеке бастың қауіпсіздігі үшін тұрғындарға боранды күндері алыс жолға шықпауды ескертеді.

Бөлісу