Инватакси қызметі жанданып келеді - «Qazaqstan» Ұлттық телеарнасы

Инватакси қызметі жанданып келеді

24.01.2014
Инватакси қызметі жанданып келеді
 
«Мүгедектерге қамқорлық көрсету - өз алдымыздағы және қоғам алдындағы міндетіміз»,- деді Президент.
 
Семейде жыл санап осы бағыттағы жұмыстар жанданып келеді. Соңғы үш жылда инватакси қызметі  қолға алына бастады. Бүгінде өздігінен жүріп-тұра алмайтындар  қажет жерге  арнайы көлікпен тегін жүріп-тұруға мүмкіндік алған.
 
Инватакси қызметін Семейде 600-ден астам адам пайдаланып отыр. Сұранысты қанағаттандырып, мүмкіндігі шектеулі жандарға сапалы қызмет көрсету үшін, қаладағы мүгедектер қоғамына тағы бір арнайы көлік табысталды.
 
Ерлан Қабдолдинов, Мүгедектер қоғамының төрағасы:
Бұл жұмысты бұрынғыдан да жеңілдететін болды. Осыған дейін тапсырыс берген мүмкіндігі шектеулі адамдарды қала бойынша екі көлікпен ғана  тасымалдап келдік, үлгермейтінбіз. Енді тағы бір көлікке қол жеткізіп отырмыз. Бұл көмекке зәру жандарға жасалып отырған үлкен қолдау деп білемін.
 
Ержан ЖАҚЫП

Хабарламаларға жазылу