Ердос Ахмадиев: Еліміздің Туын алып шығу – мен үшін мәртебе (ВИДЕО) - «Qazaqstan» Ұлттық телеарнасы

Ердос Ахмадиев: Еліміздің Туын алып шығу – мен үшін мәртебе (ВИДЕО)

19.02.2017
Ердос Ахмадиев: Еліміздің Туын алып шығу – мен үшін мәртебе (ВИДЕО)

Бүгін Жапонияның Саппоро қаласында VІІІ қысқы Азия ойындарының ресми түрде салтанатты ашылу рәсімі өтті.

Жарыста 30 елдің спортшылары 11 спорт түрінен 64 медаль жиынтығын сарапқа салады. Жапонияда Қысқы Азия ойындары осымен төртінші мәрте өтуде.

Ресми шара алдымен қатысушы командалардың шеруімен басталды. Ашылу рәсімінде еліміздің көк Туын шаңғышы Ердос Ахмадиев ұстап шықты.

«Мен үшін бұл - үлкен мәртебе. Үш жыл бұрын Сочи Олимпиадасында да осындай қуанышқа ие болғанмын», дейді спортшы.

Шарада спортшылар мен төрешілер ант берді. Кейін алғашқы жүлделерге қол жеткізген қатысушыларды марапаттау салтанаты өтті. 

Ертең жарыс жолына қазақстандық шаңғышылар мен конькимен жүгіру шеберлері шығады.

Хабарламаларға жазылу