Қазақ боксшысы Әлем чемпионы атанды - «Qazaqstan» Ұлттық телеарнасы

Қазақ боксшысы Әлем чемпионы атанды

30.01.2016
Қазақ  боксшысы Әлем чемпионы атанды
Қазақ  боксшысы Әлем чемпионы атанды

Қазақстандық кәсіпқой боксшы Жанқош Тұраров NBA тұжырымы бойынша жартылай орта салмақта, яғни 66,7 келіде Әлем чемпионы атанды. АҚШ-тың Нью-Йорк қаласында өткен жекпе-жекте жерлесіміз бразилиялық Хоаким Карнейроны бірінші раундта, 2 минут 23 секундта техникалық нокаутпен жеңді.

Бұл жеңіс Жанқоштың кәсіпқой бокстағы 18 ші жеңісі. Әу баста жекпе-жек 12 раундтқа жоспарланған болатын. Бірақ, 25 жастағы Жанқош Тұраров 28 жастағы қарсыласынан алғашқы раундта-ақ басым түсті.

Естеріңізге салар болсақ, Жанқош Тұраров Алматы қаласында дүниеге келген. Кәсіпқой бокспен 2009 жылдан бері айналысып келеді. Осы кездесуге дейінгі 17 жекпе-жегінің барлығында жеңіске жеткен спортшы. Оның ішінде 12 кездесу жерлесіміздің қарсыласын нокаутқа жіберуімен аяқталған. Жанқоштың промоутері Нельсон Лопес. Ол тағы бір кәсіпқой боксшы Қанат Исламның да промоутері болып қызмет атқарады.


Kaznews.kaztrk.kz
фото Ардақ Назаровтың фейбуктегі парақшасынан алынды

Хабарламаларға жазылу