Бердібек Сапарбаев жергілікті футболшыларға сенім артады - «Qazaqstan» Ұлттық телеарнасы

Бердібек Сапарбаев жергілікті футболшыларға сенім артады

24.11.2015
Бердібек Сапарбаев  жергілікті футболшыларға сенім артады
Бердібек Сапарбаев  жергілікті футболшыларға сенім артады

Ақтөбе облысының әкімі Бердібек Сапарбаев отандық футбол командаларында легионерлер көп деп санайды. Сондықтан, жергілікті футболшыларды команда сапына көптеп тартқан жөн. Бұл туралы ол Орталық коммуникациялар қызметінде өткен брифингте айтты.

Облыс әкімі футболдағы легионерлердің көбінің деңгейі төмен екендігін айтты. «Легионердің ішінде де, легионер бар. Ортаңқол легионерлерді ойнатқанша, ;жергілікті футболшыларды тарту керек», деді Бердібек Сапарбаев. Ол баспасөздің «Ақтөбе» футбол клубына облыс әкімінің көзқарасы туралы жазып жүргендерінен де хабардар болып шықты. Яғни, масс-медианың «Ақтөбе» футбол клубын облыс әкімі жауып тастауы мүмкін деген болжамдарын жоққа шығарды. Сонымен бірге ол, «Ақтөбеде» Юрий Логвиненкодан басқа жергілікті футболшы жоқ екендігін де атап өтті. Сол себепті, клубқа жергілікті футболшыларды тарту мәселесі өзекті болып тұр.


Kaznews.kaztrk.kz

Хабарламаларға жазылу