Самбодан ел чемпионаты аяқталды

Таразда самбодан үш күнге созылған ел чемпионаты аяқталды. Соңғы күні ерлер арасында 62 келі салмақта қызылордалық Дархан Сержановқа тең келер ешкім болмаса, 82 келіде ақтөбелік Бекжан Абдуғалиев бірінші орынға ие болды. Аса ауыр салмақтағы палуандар белдесуінде астаналық Арман Әбеуовтың шоқтығы биік болды. Қыздар арасында Алмагүл Орынғалиева, Ділдаш Құрышбаева және Арайлым Шегенова үздік шықты. Жеңімпаздармен жүлдегерлер  Түркменстанда өтетін Азия  және Мароккада өтетін Әлем чемпионатында ел намысын қорғайтын болады.