Жаңалықтарды Telegram арнамыздан оқыңыз!Қазақстандық боксшылар ерледі. Бүгін Азия ойындарында бокстан ел спортшылары өз бәсекелерін аяқтап, жоғары көрсеткішке қол жеткізді. Олар 6 алтын, 1 күміс және 1 қола жүлде ұтып, боксшылар арасындағы командалық есепте топ жарды. Ал, әзірге Қазақстан Ұлттық құрамасы 28 алтын, 20 күміс және 32 қола медаль алып төртінші орынға орналасты. Бұл нәтиже еліміз үшін ең жоғары көрсеткіш, өзіндік рекорд. Себебі қазақстандықтар 1994 жылы өткен Азия ойындарында 25 алтын медальға ие болған.
Айта кетейік, Инчхондағы шаршы алаң бәсекесінде Ілияс Сүйлейменов, Данияр Елеусінов, Жәнібек Әлімханұлы, Әділбек Ниязымбетов, Антон Пинчук және Иван Дычко Азия ойындарының чемпионы атанды.
