Бокс. Данияр Елеусінов жартылай финалда қарсыласын айқын басымдықпен ұтты

Бүгін Оңтүстік Кореяның Инчхон қаласында өтіп жатқан Азия ойындарында бокстан жартылай финалдың жекпе-жектері басталды.

Бокстан Қазақстан құрамасының капитаны, Әлем чемпионы Данияр Елеусінов жартылай финалда Түркіменстан боксшысы Сердар Худайбердиевті айқын басымдықпен ұтып, финалға жолдама алды. Есеп - 3:0 (30-26, 30-26, 30-26).

Айта кетейік, енді ол Өзбекстан мен Таиланд боксшылары арасындағы жекпе-жекте жеңіске жеткенімен жұдырықтасады.

Сурет: confederation.kz