Инчхон-2014. Қазақстандық дзюдошы Максим Раков жартылай финалға шықты

Оңтүстік Кореяның Инчхон қаласында өтіп жатқан Азия ойындарының үшінші жарыс күнінде дзюдошылардың бәсекесі жалғасын тапты.

100 келіге дейінгі  салмақта ел намысын қорғап жатқан Максим Раков алғашқы белдесуін сәтті аяқтады. Ұлттық құраманың үздік палуаны ширек финалда пәкістандық Хуссейн Шахты иппон әдісімен жауырынын жерге тигізіп, айқын жеңіске жетті.

Максим Раков жартылай финалда Иран өкілі Джавад Махджубпен белдеседі.  Ирандық палуан 1/8 финалда Мьянма өкілін ұтса, ширек финалда Түркіменстан спортшысынан басым түсті.