Бильярдтан журналистер арасындағы дәстүрлі турнир өтті - «Qazaqstan» Ұлттық телеарнасы

Бильярдтан журналистер арасындағы дәстүрлі турнир өтті

28.06.2014
Бильярдтан журналистер арасындағы дәстүрлі турнир өтті
Бүгін бір топ журналистер өзара үздікті анықтады. Бұл жолы шығармашылықтан емес бильярд ойынындағы шеберліктерін сынады. Бильярдтан Ақселеу Сейдімбек атындағы дәстүрлі турнирге 40-қа жуық БАҚ өкілі қатысты.
 
Ойынды тиімді ұйымдастыру үшін жастар жағы мен аға буын өкілдері болып екіге бөлінді. Таңертең басталған ойын кешке дейін жалғасты. Нәтижесінде аға буын өкілдерінің ішінде белгілі журналист Нұртілеу Иманғалиұлы бас жүлдені жеңіп алса, жастар тобынан «Казахстанская Правда» газетінің өкілі Мақсұт Қабышұлы үздік деп танылды.
 
Жеңімпаздарға турнирдің арнайы кубогі мен қаржылай сыйлықтар табысталды. Бұдан бөлек бірқатар БАҚ өкілдеріне ынталандыру сыйлықтары берілді.
 
Намазалы Омаш, Л.Гумилев атындағы ЕҰУ жанындағы Журналистика мәселелерін зерттеу институтының директоры:
Ақселеу Сейдімбек атындағы дәстүрлі турнир бесінші рет өтіп жатыр. Бірінші орынға берілетін жүлде -  50 мың мен 100 мың теңгенің ортасы болады.
 
 
Дулат АБИБУЛЛАЕВ

Хабарламаларға жазылу