Жаңалықтарды Telegram арнамыздан оқыңыз!Петропавлда Наурыз мерекесіне орай, конькимен сырғанаудан ұлттық құраманың мүшесі Роман Кречке 2 бөлмелі пәтердің кілті табысталды.
Ол Сочи Олимпиадасында 500 метрлік жарыста 7 орынды иеленген. Мамандар 24 жастағы спортшының болашағынан үлкен үміт күтіп отыр.
Жуырда Роман Креч әлеуметтік желілердегі парақшасында Петропавл қаласында өзі тұрған үй сүрілетін болғандықтан, «баспанасыз қалдым», деп мұңын шаққан болатын.
Облыс басшылығы спортшыға қолдау ретінде қаладағы жаңа тұрғын үйлердің бірінен 2 бөлмелі пәтер беру туралы шешім қабылдады.
Роман Креч, конькиші, ҚР Ұлттық құрамасының мүшесі:
Бұл - облыс басшылығы мен Спорт басқармасы тарапынан маған жасалған үлкен тосынсый болып отыр. Бұл сыйлық мені алдағы жеңіске жетелейді. Әрқашанда Қазақстанымыздың байрағы биіктен желбіресін. Барша отандастарымдыНаурыз мерекесімен құттықтаймын.
Сағындық СӘБИТҰЛЫ
