Жаңалықтарды Telegram арнамыздан оқыңыз!Тараз қаласында волейболдан ерлер командалары арасында өтіп жатқан ел чемпионаты аяқталуға жақын. Кезекті жарыс күні қызықты өтті.
Алдымен алаңға шыққан «Атырау» командасы 3:0 есебімен «Павлодарға» есе жіберсе, «Алматы» ойыншылары күтпеген жерден сүрінді.
Ақтөбе облысынан келген «КазХром» волейболшылары 3:2 есебімен «Алматы» ұжымын ұтса, осы ойыннан кейін «Конденсат» пен «Шығыс» командалары алаңға шықты.
3 ұпай алғанда оралдықтар бір күн бұрын ел чемпионы атанар еді. «Алматының» жеңілісінен кейін сәл босаңсып шыққан Игорь Никольченконың командасы 2-ші және 3-ші сеттерде жеңіліп қалды.
Қорытынды есеп - 3:1 «Шығыстың» пайдасына. Енді ертең чемпиондық атаққа кім лайықты екендігі анықталады. «Конденсат» пен «Алматы» командалары өзара күш сынаспақ.
Индира БЕКТЕНОВА
