Томас Бах: Қазақстан Ұлттық құрамасының әлеуеті мықты - «Qazaqstan» Ұлттық телеарнасы

Томас Бах: Қазақстан Ұлттық құрамасының әлеуеті мықты

16.02.2014
Томас Бах: Қазақстан Ұлттық құрамасының әлеуеті мықты
  Халықаралық Олимпиада комитетінің президенті Томас Бах  Қазақстан Ұлттық құрамасының әлеуеті мықты деп санайды.
 
«Қазақстан Ұлттық құрамасының әлеуеті мықты. Қысқы спорт түрлеріне деген құлшынысы  керемет. Сондай-ақ Қазақстан 2022 жылы Қысқы Олимпиада ойындарын өткізуге ұсыныс білдірді. Осы орайда, сіздердің спортшыларыңыз бен спорт ұйымдарыңыздың жетістігінің көрсеткіші аталған ұсыныстың күшін еселендіре түсетінін түсіну керек», - деді Томас Бах.
 
«Сіздер өздеріңіздің күш-жігерлеріңізді соған жұмылдырып, сол мақсатта жұмыс істеулеріңіз керек. Танысқан жоспарларға қарап, олардың жақсы жасалғанын айта аламын», - деді ол.
 
Томас Бах  Сочидегі қазақстандық қонақжай үйінде болып, 2022 жылғы Алматыдағы Олимпиада ойындары мен ЕХРО-2017 халықаралық көрмесін өткізу жобаларымен танысты, деп хабарлайды inform.kz

Хабарламаларға жазылу