Нотариус қызметіне ЖИ енгізіледі

Нотариус қызметіне жасанды интеллект енгізіледі. Биометриzлық сәйкестендіру де іске қосылмақ. Бұл туралы бүгін Үкімет отырысында айтылды. Енді азаматтар платформада жеке кабинет ашып, қажет болған жағдайда нотариустың қызметіне шағым түсіре алады. Микроқаржы ұйымдары да нотариусты өздері таңдай алvайды. Осыған дейін олардың арасында нотариустарға пара беріп, өз ырқына көндіріп алатындар болған. Борышкерлердің құқығы тапталды. Енді микроқаржы ұйымдарына нотариусты автоматты түрде жүйенің өзі таңдап береді. Министрлік бірыңғай нотариалды ақпараттық жүйе арқылы бәрін көріп отырады. Яғни тұрғыннан шағым түссе, істің мән-жайы енді айқын көрінеді. Барлық ақпарат жаңадан құрылған цифрлық архивте сақталады.