Биатлоннан Азия чемпионаты жалғасуда - «Qazaqstan» Ұлттық телеарнасы

Биатлоннан Азия чемпионаты жалғасуда

30.01.2014
Биатлоннан Азия чемпионаты жалғасуда
Алматыда биатлоннан Азия чемпионаты жалғасуда. Жарыстың екінші күні ерлер 15 шақырымды еңсеріп, тағы бір қашықтықтың жеңімпазын анықтады. Спринттік сайыста чемпион атанған құрама үздіктері Сергей Наумик пен Ян Савицкий бұл бәсекеге қатыспай, демалыс алды.
 
Мұндай мүмкіндікті 20 жастағы павлодарлық Максим Браун мүлт жібермей, мәре сызығын бірінші болы кесті. Тұғырдың екінші сатысына шығысқазақстандық Вадим Иванов көтерілсе, үшінші орынды Ақмола облысының өкілі Арман Сұлтанов иеленді.
 
Әйелдер жарысында Галина Вишневская- Елена Хрусталеваның алдын орап, мәреге бірінші болып келді. Ольга Полторанина үшінші уақыт көрсетті. Құрлықтық сайыс ертең өз мәресіне жетеді.
 
Арман Сұлтанов, Азия чемпионатының қола жүлдегері:
Биатлонмен 8 жыл айналысып келемін. Бүгін ауа-райы қолайсыз болды. Қарсыластарым мықты.
 
 
Индира БЕКТЕНОВА

Хабарламаларға жазылу