Президент: Нағыз кәсіби парламент жасақтауымыз керек

Парламенттік реформа – екі палатаны жай біріктіре салу деген сөз емес. Депутат санын тым көбейтудің қажеті жоқ. Керісінше, оңтайландыру керек, Парламенттің жұмысын жетілдіру қажет. Әкімдер форумында Мемлекет басшысы осылай деді. Президент алда құрылатын бір палаталы Парлментте Президент квотасы болмайтынын айтты. Сондай-ақ бұл саяси реформаны осыған дейінгі саяси өзгерістердің заңды жалғасына балады. Мемлекет басшысы «Күшті Президент – ықпалды Парламент – есеп беретін Үкімет» қағидатын орнықтыра түсеміз, яғни еліміз Президенттік Республика болып қала беретінін жеткізді.
Қасым-Жомарт Тоқаев, Қазақстан Республикасының Президенті:

Парламенттік реформа – екі палатаны жай біріктіре салу деген сөз емес. Депутат санын тым көбейтудің қажеті жоқ. Керісінше, оңтайландыру керек. Мысалы, бір палаталы жаңа Парламентте Президент квотасы болмайды. Барлық депутаттар бірдей тәртіппен сайлануы қажет. Бұл – алдағы Парламенттік реформа аясында жасалатын аса маңызды қадам. Мұны жақсы ұғынып, жұртшылыққа кеңінен түсіндіру қажет. Заң шығару органына білікті, өзі ісінің майталмандары келуі тиіс.