«Сарбаз сахнасы - 2025» фестивалінің жеңімпазы анықталды

Астанада «Сарбаз сахнасы – 2025»  бүкілармиялық фестивалінің жеңімпаздары анықталды. Бас жүлдені Семей қаласындағы 30217 әскери бөлімінің «Алаш» тобы жеңіп алды. Бұл – Қарулы күштердің  шығармашылық ұжымдары арасында 2019-жылдан бері өткізіліп келе жатқан байқау. Өнерпаздар вокал, биден және  аспаптық орындаудан жарысты.   Қазылар алқасының құрамына Қазақстанның еңбек сіңірген қайраткерлері, мемлекеттік сыйлықтың иегерлері және халықаралық байқаулардың лауреаттары кірді.