Сенат су ресурстарын қорғауға бағытталған заң жобасын мақұлдады

Сенат су ресурстарын қорғауға бағытталған заң жобасын мақұлдады. Құжат 1999 жылы Лондонда қабылданған хаттаманы ратификациялауды көздейді. Хаттамада су сапасын жақсарту арқылы халықтың денсаулығын қорғауға және сумен байланысты аурулардың таралуын азайтуға бағытталған. Дүниежүзілік денсаулық сақтау ұйымының дерегінше, лас судан 35-тен астам инфекциялық ауру таралуы мүмкін. Сенаторлар су мәселесін тек ресурс емес, денсаулық пен әлеуметтік даму тұрғысынан да кешенді саясат ретінде қарастыру қажет екенін атап өтті.

Мәулен Әшімбаев, Сенат төрағасы:

Бұл шаралар ауыз су көзі ретінде пайдаланылатын су ресурстарын ластанудан қорғауды қамтамасыз етуді көздейді. Жалпы заң денсаулық және су ресурстарын пайдалану салаларының орнықты дамуына оң септігін тигізеді деп сенеміз.