Цифрлық штаб Digital Qazaqstan-ның кең ауқымды цифрландыру стратегиясының моделін бекітті

Бүгін Үкіметте өткен штаб отырысында Digital Qazaqstan бағдарламасы аясында кең ауқымды цифрландыру стратегиясының моделі қаралып, бекітілді. Жасанды интеллект және цифрлық даму министрлігінің мәліметінше, жаңа модель 10 негізгі бағытты қамтиды. Мәселен, білім саласында «Жасанды интеллект негізіндегі интерактивті білім беру» жобасында ЖИ-университетін құру, Tomorrow-school-ды кеңейту, GPT Education енгізу және оқушыларға арналған ЖИ бағдарламасын іске қосу көзделеді. Бұдан бөлек, цифрлық экономика, киберқауіпсіздік, робототехника, цифрлық инфрақұрылым, реттеу және стартаптар экожүйесі құрылмақ. Үкімет басшысы Digital Qazaqstan-ның цифрландыру және жасанды интеллектіні дамыту жөніндегі стратегия жобасын жыл соңында аяқтауды тапсырды.