Түркістан облысында жол ережесін бұзған тойшыл жастар жазаланды

Түркістан облысында полицейлер жол ережесін өрескел бұзған той кортежін тоқтатты.

Тәртіп сақшылары жедел әрекет ету нәтижесінде жол ережесін бұзған құқық бұзушылардың жеке басын анықтап, оларды әкімшілік жауапқа тартты. Қатар жүріп көлік тізгіндегендердің жолда қауіпті жағдай туғызып, жол белгілерінің талаптарын орындамағаны белгілі болды. Өзге көлік құралдарының қозғалысына кедергі жасағаны үшін тиісті шаралар қолданылды. Сондай-ақ құқық бұзушылардан «стробоскоп» құрылғысы тәркіленді. 

Ержан Жұмабеков, Ордабасы аудандық полиция бөлімінің аға инспекторы:

Ордабасы ауданында болған көліктер шеруі әлеуметтік желіге тараған болатын. Сол бойынша қазіргі таңда жүргізушілер анықталып, тиісті хаттамалар жазылып, көліктер айыптұраққа қойылды.