Жеңілдетілген салыққа ілігетін кәсіп тізімі жарияланды

Жеңілдетілген салыққа ілігетін кәсіпкерлер тізімі жарияланды. Салық кодексінің 718-бабы 2 тармағы 1 тармақшасына сәйкес Үкімет қаулы шығарды. Оған сай өзін өзі жұмыспен қамтығандар үшін арнаулы салық режимін қолдануға рұқсат етілген қызмет түрлерінің тізбесі бекітілмек. Оның ішінде мал шаруашылығына ықпал ететін қызмет түрі, музыкалық аспаптар өндірісі, ағаш ұсталығы, желілік маркетинг арқылы бөлшек сауда жүргізу, баспана арендасы, ауызша және жазбаша аударма, ветеринариялық қызмет, тапсырыспен дайын тамақ жеткізу, пошта және курьер қызметі сияқты кәсіпкерлік түрлері бар. Үкіметтің бұл қаулысы 2026 жылдың 1 қаңтарында күшіне енеді.