Таиландтағы тасқыннан 13 адам қаза тапты

Таиландтың 9 провинциясында болған алапат су тасқынынан 13 адам қаза тапты. Табиғи апат 2 миллион тұрғынның күнделікті өміріне әсер еткен. Қонақүйлерден туристер қауіпсіз жерге көшіріліп, уақытша пана берілген. Су тасқыны жайлаған аудандарда 1 аптадай нөсер жауын жауып тұр. Кей өңірлерде электр жарығы өшіп, интернет және сумен жабдықтау жүйесі істен шықты. Туристік компаниялар аралдар арасында қайықпен экскурсияларды кейінге қалдырған. Табиғи апаттан зардап шеккен өңір халқына көмекке құтқарушылармен бірге әскерилер де тартылды.