2026 жылы мұғалімдердің жалақысы өсе ме?

2026 жылы мұғалімдердің жалақысы өсе ме? Оқу-ағарту министрлігі өкілдерінің айтуынша, 2020 жылдың 1 қаңтарынан бастап мемлекеттік мектеп педагогтерінің еңбекақысы 4 жыл қатарынан жыл сайын 25%-ға өскен. Ал 2023 жылдың 1 қыркүйегінен бастап балабақша тәрбиешілері мен мектепке дейінгі оқу педагогтерінің жалақысы 30%-ға көтерілді. Мұғалімнің айлығы педагогтің білімі, санаты, еңбек өтілі мен жүктеме сынды факторларға байланысты есептеледі. 2025 жылы мұғалімнің орташа айлығы – 393 мың теңге. Енді ұстаздардың жалақысының өсуі бюджеттік комиссияның қарауынанан кейін белгілі болады, -  деді ведомство өкілдері.