Президент Еуропа Одағының Орталық Азия жөніндегі арнайы өкілін қабылдады

Мемлекет басшысы Еуропа Одағының Орталық Азия жөніндегі арнайы өкілі Эдуардс Стипрайсты қабылдады. Қасым-Жомарт Тоқаев Қазақстанның негізгі әрі сенімді серіктестерінің бірі Еуропа Одағымен көпжоспарлы ықпалдастықты одан әрі нығайту маңызды екенін атап өтті. Сондай-ақ, Орталық Азия елдері мен Еуропа Одағы арасындағы белсенді және конструктивті диалогқа жоғары баға бере отырып, осыдан 10 жыл бұрын қабылданған кеңейтілген серіктестік пен ынтымақтастық жөніндегі келісім екі жақты-қарым-қатынастың айтулы кезеңі деп санайтынын жеткізді.

Эдуардс Стипрайс Еуропа Одағы Қазақстанмен ықпалдастықты одан әрі тереңдетуге бейіл екенін мәлімдеп, екіжақты және өңірлік күн тәртібіндегі ынтымақтың қарқыны арта беретініне сенім білдірді.