Балаларға зиян 38 мың интернет-ресурс бұғатталды

Қазақстанда балаларға зиянды әрі заңға қайшы контенті бар 38 мыңнан астам интернет-ресурс бұғатталды. Мұндай мазмұндағы дереккөздер «киберқадағалау» мониторинг жүйесінің арқасында анықталған. Айта кетсек, осыдан 4 жыл бұрын заңнамаға «буллинг» және «кибербуллинг» ұғымдары енгізілген еді. Ал 2024 жылдан бастап жәбірлеу үшін әкімшілік жауапкершілік белгіленді. Биыл 10 айдың қорытындысы бойынша 339 әкімшілік іс тіркеліп, олардың 198-і буллинг фактілері бойынша жауапкершілікке тартылды.