Кедендік тексерістердің 81 пайызында талап бұзылған

Биыл кеденде 830 тексеріс жүргізілген. Оның 81 пайызында кеден талаптары бұзылған. Бұл туралы Қаржы министрлігі Мемлекеттік кірістер комитетінің хабарлады. Тексерістердің қорытындысы бойынша 31 млрд теңге көлемінде қосымша төлем есептеліп, оның 24 млрды мемлекетке өндірілді. Бұл көрсеткіштер былтырмен салыстырғанда айтарлықтай өскен. Яғни, қосымша есептелген сома 172 пайызға, ал өндірілген қаржы 266 пайызға артқан. Жалпы 534 әкімшілік іс қозғалған. Комитет декларацияда жалған ақпарат көрсету әкімшілік жауапкершілікке тартылатынын ескертеді. Ал төленбеген кедендік сома мөлшері 10 мың АЕК-тен асқан жағдайда, іс қылмыстық құқық бұзушылық болып саналады.