G20 саммиті өтіп жатыр

Оңтүстік Африка Республикасының Йоханнесбург қаласында бүгін «Үлкен жиырмалық» саммиті басталды. Алқалы жиын Африка құрлығында алғаш рет өтіп отыр. Алайда бұл жолы саммитке әлемнің жетекші елдерінің лидерлері барған жоқ. АҚШ президенті Дональд Трамп жиынға қатысудан бас тартты. Құрама Штаттардан бірде бір өкіл келмеді. Қытай мен Ресей басшылары да бармаған. Бірақ екі ел де делегаттарын жіберген. Тағы бір айта кететіні, «Үлкен жиырмалық» кездесуінде Украинаның одақтастары АҚШ-тың бейбіт жоспарын талқыламақ. Бұған қоса, олар бұл құжатты әрі қарай күшейту жолдарын қарастырады.