«Бағанашыл» балалар үйінде қайта жөндеу басталды

Алматы қаласындағы «Бағанашыл» балалар үйінде қайта жөндеу басталды. Integra Construction KZ серіктестігі әлеуметтік жоба ретінде оған 5 млрд теңге жеке қаражат бөлген. Бұл туралы Президент қабылдауында болған компания басшысы Шахмұрат Мүтәліп баяндады. Сонымен қатар ол ірі инфрақұрылымдық жобалар мен құрылыс және теміржол салаларындағы халықаралық бастамалары туралы есеп берді. Мемлекет басшысы ел экономикасы үшін мәні зор жобаларды сапалы әрі уақытылы орындаудың маңызды екенін атап өтті. Кездесуде бокс спортын дамыту мәселелері де сөз болды.