Ислам ынтамақтастығы ойындары: Семсершілер алтын алды

Сауд Арабиясының астанасы Эр-Риядтағы алтыншы Ислам ынтамақтастығы ойындарында қазақстандық семсершілер алтын жеңіп алды. Ерлер командасы әуелі Қырғызстан құрамасынан 45 те 34 ұпайымен басым түссе, артынша Омандық команданы  46 да 26 есебімен ойсырата жеңді. Ал джиу-джитсу шеберлері құрама қоржынына екі алтын бір күміс жүлде салды. 70 келіде сынға түскен Мариан Журавлева Марокко, Иран және Палестина спортшыларынан басым түссе, 69 келіде бақ сынаған Серік Алдияр жеңіске жетті.