Вьетнамда толассыз жаңбырдан 41 адам қаза тапты

Вьетнамның орталық бөлігінде үздіксіз жауыннан 41 адам қаза тапты. Жаңбыр демалыс күндерінен бері тыйылмай, арты тасқынға ұласқан. Бірнеше тұрғын хабар-ошарсыз кеткен. Ондаған мың адам қауіпсіз жерге көшірілді. 52 мыңнан астам баспананы су шайды. 500 мыңдай үй, өзге де ғимараттар электр жарығынсыз қалған. Онсыз да ел соңғы айда «Калмаеги» мен «Буалой» атты сұрапыл тайфундардан орасан зардап шеккен еді. Тұрғындар әлі де сол табиғи апаттардан айыға қойған жоқ. Лам Донг провинциясында төтенше жағдай жарияланды. Ауа-райы болжамына сай, жауын жексенбіге дейін жалғасуы ықтимал.