Соғысты аяқтау жоспарынан украиндар мен еуропалықтар шет қалмауы керек

Украинадағы соғысты аяқтаудың кез келген жоспарына украиналықтар мен еуропалықтар қатысуы керек. Брюссельде бас қосқан Еуропаның сыртқы істер министрлері осылай деп мәлімдеді. Еуропалықтар ұзақ және әділ бейбітшілікті және оған қол жеткізуге бағытталған кез келген қадамды құптайды. Алайда бұл процестен Украина мен ЕуроОдақ тыс қалмауы керек деді. Бұл сөз АҚШ-тың Украинадағы соғысты аяқтауға бағытталған 28 пункттен тұратын жоспарына қатысты айтылып отыр. Әлемдік БАҚ бұл құжат АҚШ пен Ресей президенттерінің арнайы өкілдерінің қатысуымен жасалғанын жарыса жазып жатыр. Алайда Вашингтон мен Мәскеу әзірге бұған қатысты түсініктеме берген жоқ.