Бір палаталы Парламентке көшу – саяси реформалардың заңды жалғасы

Бір палаталы Парламентке көшу – елімізде жүргізіліп жатқан саяси реформалардың заңды жалғасы. Сарапшылар осындай пікірде. Заң шығарушы орган да заман талабына сай жаңарып, бейімделіп отыруы қажет. Халықтың саяси сауаты артқан сайын олардың мемлекеттік басқару процесіне қатысуы – әлемдік тәжірибеде қалыптасқан үрдіс. Сол арқылы түрлі бағыттағы мәселелер Парламент деңгейінде көтеріліп, шешімін табады.

Мемлекеттік істерді басқаруға араласу, өзінің пікірін білдіру, өзінің позициясын білдіру, яғни саяси қатысу деңгейі бізде жылдан-жылға артып келе жатыр. Бір палаталы Парламенттің тиімді жұмыс істеуінің бірден бір факторы сол эксперттік қоғамның мықты болуы, сонымен қатар БАҚ өкілдерінің өз жұмысын жақсы атқаруы және заң мен тәртіп принциптерінің өте жоғары деңгейде орындалуы ол тепетеңдікті сақтау үшін өте орынды болады.