Луврдың сыртына 100 камера орнатылады

Париждегі әйгілі Лувр музейінің сыртына 2026 жылдың соңына дейін 100 камера орнатылады. Мұны осы мекеменің директоры Лоранс де Кар Ұлттық Ассамблеяда өткен тыңдалымда мәлімдеді.

Естеріңізге сала кетсек, Лувр бір ай бұрын тапа-тал түсте тоналды. Сол кезде одан 102 миллион доллардың әшекей бұйымдары қолды болған. Тарихи қазына әлі табылған жоқ. Қазір тергеу жүріп жатыр және төрт күдіктіге осы оқиғаға байланысты айып тағылып отыр.