Алғабастағы өрттен зардап шеккен науқастардың бірі Шымкентке жеткізілді

Түркістан облысының  Алғабас ауылында, өрттен зардап шеккен 39 жастағы азамат тікұшақпен Шымкентке жеткізілді. Облыстық аурухана Шымкентте орналасқандықтан және Жетісай ауданында шұғыл көмекке қажетті арнайы жабдық болмағандықтан, оны дәрігерлер қалаға жеткізді. Науқас енді Гипербариялық оксигенация орталығында ем алады.  Денесінің 12 пайызын күйік шалған. Жағдайы ауыр.

Еске сала кетейік, 18 қараша күні таң ата Алғабас ауылында екі қабатты жер үй өртеніп, 12 адам қаза тапты. Оның 9-ы бала. Өрт кезінде тірі қалған екі адам қазір Жетісай ауданындағы ауруханада дәрігерлер бақылауында.