Финляндияда «Лукойл» компаниясының жанармай станциялары жабылатын болды

Финляндияда Ресейдің «Лукойл» компаниясының жанармай құю станциялары жабылайын деп жатыр. Себебі АҚШ-тың санкцияларының салдарынан отын қоры таусылуға таяу. Мұны «Рейтер» агенттігі  хабарлады. Құрама Штаттар әкімшілігі Украинадағы соғыс үшін «Лукойлға» өткен айда санкция жариялады. Содан кейін Финляндияның қаржылық бақылау басқармасы осы компаниямен жұмыс істеген жергілікті банктер мен өзге де мекемелердің қызметі шектелетінін ескертті. Айта кетсек, Финляндиядағы 2250 жанармай станциясының бестен бірі немесе 430-ы - «Лукойл» иелігіндегі «Тебойл» операторына тиесілі.