Трамп Украинаға әскери делегация аттандырды

АҚШ Киевке жоғары деңгейдегі әскери өкілдерін аттандырды. Мұны Politico мен Wall Street Journal газеттері хабарлап отыр. Олардың дерегінше, Американың жаяу әскер министрі Дэн Дриссколл бастаған делегация атысты доғару идеясын, майдандағы жағдайды және Украинада қару өндіруі мәселесін талқылайды. Содан кейін Дриссколл Ресей өкілдерімен де келіссөздер жүргізеді. Axios басылымының мәліметінше, қазір президент Дональд Трамп әкімшілігі құпия түрде Мәскеумен кеңесіп, Украинадағы соғысты тоқтату жөнінде жаңа жоспар жасақтап жатыр.