Ақш Тайваньға $700 млн-ға қару сатқанын растады

АҚШ Тайваньға 700 млн долларға замануи зымыран жүйесін сатқанын растады. Сонымен бірге мұндай қару Украинадағы соғыста сынақтан өткені мәлім болды. Осылайша бір аптада Вашингтон аралға жалпы сомасы 1 млрд долларға қару-жарақ сатқан. «Рейтердің» мәліметінше, Тайвань әскерилері Қытай тарапынан кез келген шабуылға дайын болу үшін қару-жарақ арсеналын күшейтіп жатыр. Ал АҚШ болса, 1979 жылғы заңға сай, аралға қорғаныс құралдарын беруге міндетті. Бұл әрекет Бейжіңнің ашуын тудырып отыр.