Алматыда шағын аудан кешелі бері жарықсыз отыр

Алматыдағы Нұркент шағын ауданы әлі жарықсыз отыр. Алатау ауданында кеше электр жеткізу желісінен ақау шығып, бірнеше шағын аудан электр энергиясыз қалды. Апат жылу электр стансасына жақын аумақта болған. Салдарынан бағдаршамдар істен шығып, көлік қозғалысы қиындаған еді. Мамандар күшейтілген режимде жұмыс істеп, таңға дейін  Саялы, Ақбұлақ, Зерделі, Ақкент шағын аудандарына, сондай-ақ бірнеше тұрғын үй кешеніне электр қуаты берілген. Ал, Нұркент шағын ауданын бірер сағатта жарыққа қосылады, - дейді «Алатау Жарық» компаниясының өкілдері.