Бейжің АҚШ-тың Тайваньға қару-жарақ сатуына қарсы

Бейжің Құрама Штаттардың Тайваньға қару-жарақ сатуына қарсы екенін мәлімдеді. Қытай сыртқы істер министрілігі Тайвань мәселесі Қытай – Америка қарым-қатынастарында кесуге болмайтын «қызыл сызық» екенін ескертті. Бейжің егемендік, ұлттық қауіпсіздік пен аумақ тұтастығын қорғау үшін барлық қажетті шараны қабылдайтынын айтты. Мұның алдында Тайвань Трамп әкімшілігі аралға қару сатуды мақұлдағанын мәлімдеді. АҚШ-тан F-16, C-130 ұшақтарын жөндеуге құрамдас бөлшектер сұраған. Бұған қоса Тайвань президенті әскери шығындарды өсіруге уәде етті.