Кирилл Герасименко алтын алды

Үстел теннисінен Қазақстан ерлер құрамасының көшбасшысы Кирилл Герасименко Эр-Риядта өтіп жатқан Ислам ынтымақтастығы ойындарында жеңімпаз атанды. Жерлесіміз финалда өзінің байырғы қарсыласы мысыр спортшысымен кездесті. Екеуі бұған дейін Париж Олимпиадасында жолығып, қарсыласының мерейі үстем болған. Бұл жолы Герасименко, алғашқы екі кезеңді 11 де бес және 11 де 8 есебімен өз пайдасына шешті. Үшінші сет қарсыласының еншісінде кетті. Қалайда жеңіске жетуді  ойлаған Кирилл өз шеберлігін паш ете біліп, 4:1 нәтижесімен қарсыласынан басым түсіп, кеткен есені қайтарып, алтынан алқа тағынды.